Derek Lardelli
Ngāti Porou, Rongowhakaata, Ngāti Konohi
He kaitā moko, he kaiwhakairo, he kaihaka, he kaitito, he kaiwhakanikoniko, he kairangahau whakapapa, he kairangahau kōrero tuku iho, he kaikōrero anō hoki a Ahorangi Tā Derek Lardelli. Ko Derek hoki te kaiako matua o Whāngārā mai i Tawhiti, ā, ko ia hoki te kaiako matua me te Ahorangi Tūhono o Toihoukura, kei Tūranganui-a-Kiwa, i raro i te mana o Te Aho a Māui.
I whakawhiwhia a Tā Derek ki tētahi tohu Arts Foundation, te Tohu Laureate, i te tau 2004, ā, i te tau 2008, ka whakawhiwhia ia ki Te Tohu Āpiha, mō āna mahi hāpai i ngā toi Māori. Kua noho ia hei kaitohutohu Māori mō Te Kapa Ōpango mai i te tau 2005. I riro hoki māna ngā mahi waihanga tohu mō ngā tīma Orimipia o Aotearoa i haere ki Athens, ki Kuala Lumpur anō hoki. Ko Tā Derek te Heamana o Te Uhi, he huinga kaitā moko. Arā anō te nui o āna kaupapa. I te tau 2012, ka tohua a ia e Te Aho a Māui hei Ahorangi Tūhono, ā, i te tau 2020, ka tapaina ia hei Tā i raro i te Kuini o Ingarangi. Kei Tūranganui-a-Kiwa a Tā Derek e noho ana rātou ko tana wahine, ko ā rāua tamariki.
Mēnā kāre he uaua, moumou tāima.