Rose Pere

Ngāi Tūhoe

He tipuna kōkā wheako nui a Tākuta Rangimarie Turuki Arikirangi (Rose) Pere i roto i ngā kaupapa mātauranga, hauora, tiaki taiao
me ngā ratonga hapori. Kua tū ia hei kanohi mō Aotearoa ki te ao whānui hei kaiako; hei kaituhi kaupapa arotahi e kīia ana ko AKO: Concepts and Learning in The Māori Tradition. Kua tū ia hei pūkenga taupua ki Te Whare Wānanga o Waikato hoki i te tau 1982. Kua tū ia hei kaiako mai i te reanga kōhungahunga ki te reanga taipakeke.

Kua rangahau hoki ia i ngā mātauranga tawhito o ngā Amerika, o te moana o Meretereinia, o Te Pokapū o Te Rāwhiti, o Piritana Nui, o Āhia ki Te Rāwhiti, o Te Moananui a Kiwa anō hoki. Ko Rose te kaipupuri i te New Zealand Commemoration Medal mai i te tau 1990, ā, i whakawhiwhia ia ki te hōnore nui o te Commander of the Most Excellent Order of the British Empire i te tau 1996. I whakawhiwhia ia ki tana Tohu Kairangi Mātātuhi i Te Whare Wānanga o Te Ūpoko o te Ika a Māui i te tau 1996. He pakihi mātanga hāpai tāna, e aro ana ki ngā kaupapa ako o te ao, ā, ko ia hoki te Tumu Whakarae o Four Winds Foundation – he uepū ā-ao ka mahi tahi ki ngā iwi taketake me ngā iwi katoa.

Piri pūmau i roto i te aroha, i roto i te kotahitanga, koirā te ao e mōhio nei ahau, kore au e mōhio ki tētahi atu ao.